Ruby u l-Kaxxa bil-Buttuni
Fil-lista tal-finalisti fil-kategorija ‘Xogħlijiet Oriġinali għal Tfal ta’ bejn 8-12-il sena’, Il-Premju Nazzjonali tal-Ktieb 2022
Il-kaxxa żgħira vjola bil-buttuni kienet qisha radju tal-but, jew xi ħaġa mill-ispazju, kif kienet tara Ruby fuq it-televixin. Kienet taħraq! Għal naqra ma xwitilhiex idha! U meta qabditha ħasset tingiż u tfexfix ma’ ġisimha kollu! Bdiet tagħmel ħoss ta’ mutur, bħal meta kienet tiġi titfissed il-qattusa ħoxna tan-nanna Vanna. Kienet tixgħel, itteptep, iddoqq u titkellem. Ruby kienet ċerta li dik il-kaxxa kollha buttuni kienet ġejja minn dinja oħra – id-dinja fejn mar Jack meta telaq…
Pubblikatur
Horizons
Sena tal-pubblikazzjoni:
2021
Awtriċi: Audrey Friggieri
Audrey Friggieri trabbiet Ħal Luqa, ħdejn wied sabiħ li llum għeb, fejn attendiet l-iskola primarja tal-gvern. Fl-2013, ġie ppubblikat l-ewwel ktieb tagħha għat-tfal li kien ukoll finalist għall-Premju Nazzjonali tal-Ktieb. Iggradwat bħala għalliema, u llum waslet biex ittemm ir-riċerka tad-dottorat tagħha dwar iż-żgħażagħ f’Malta u l-edukazzjoni.
