Il-Kunsill Nazzjonali tal-Ktieb jixtieq iħabbar ir-rebbieħa tal-Premju Nazzjonali tal-Ktieb 2015: Kotba 2014. Is-serata ta’ premjazzjoni seħħet nhar il-Ġimgħa 11 ta’ Diċembru 2015 f’ċerimonja uffiċċjali fil-Berġa ta’ Kastilja. Preżenti għas-serata u d-diskors uffiċċjali tal-Onor. Prim Ministru, Dr. Joseph Muscat u tal-Kap Eżekuttiv tal-Kunsill Nazzjonali tal-Ktieb, is-Sur Mark Camilleri kien hemm il-parteċipanti flimkien ma mistiedna speċjali oħra. Ingħataw ċertifikati lill-finalisti kollha f’kull kategorija flimkien mal-pubblikaturi tagħhom u r-rebbieħa f’kull kategorija ingħataw trofew, ċertifikat u premju ta’ €1000 kull wieħed. Barra minn hekk, ir-rebbieħ tal-Kategorija Xogħol Letterarju: Rumanzi, jiġifieri s-Sur Immanuel Mifsud, ingħata premju addizzjonali ta’ €5000 mill-Fond għall-Esportazzjoni tal-Kultura tal-Kunsill Malti għall-Arti biex il-ktieb rebbieħ Jutta Heim jiġi tradott f’lingwa barranija.

Il-ġurija għall-Premju Nazzjonali tal-Ktieb ta’ din is-sena kienet komposta minn:

Prof. Clare Vassallo, Dr. Marco Galea u Dr. Norbert Bugeja għall-Kategoriji Letterarji: Rumanzi, Novelli, Poeżija, Drama u Traduzzjoni.

Prof. Victor Mallia Milanes, is-Sur Alex Farrugia u s-Sur Mario Ellul għall-Kategoriji tar-Riċerka: Ġenerali u Storjografika.

Prof. Charles Mifsud, is-Sur Andre’ Vella Laurenti u s-Sur David Muscat Azzopardi għall-Kategoriji ta’ Letteratura għat-Tfal u Adolexxenti abbinati mal-Premju Terramaxka.

Is-Sa. Cheryl Falzon u s-Sa. Joanne Sciberras għenu wkoll fil-proċess ta’ klassifikazzjoni.

Dawn huma ir-rebbieħa fil-kategoriji rispettivi:

Kategorija Xogħol Letterarju: Rumanz

Jutta Heim ta’ Immanuel Mifsud (Klabb Kotba Maltin)

Kategorija Xogħol Letterarju: Novelli

Kulħadd ħalla isem warajh ta’ Clare Azzopardi (Merlin Publishers)

Kategorija Xogħol Letterarju: Poeżija

taħt il-kpiepel t’għajnejja ta’ Maria Grech Ganado (Klabb Kotba Maltin)

Kategorija Riċerka Generali

The Maltese Nineteenth-Century Notary and his Archives ta’ Michael Refalo (Book Distributors Limited)

Kategorija Riċerka Storjografika

The Social and Religious History of a Maltese Parish: St. Mary’s Qrendi in the Eighteenth Century ta’ Frans Ciappara (Malta University Press)

Kategorija Traduzzjoni

Salammbȏ ta’ Paul Zahra (Self Published)

Premju għall-Aħjar Produzzjoni ta’ Ktieb

‘The Maltese Bestiary’ ta’ Merlin Publishers

Premju għall-Kontribut Siewi fil-Qasam tal-Letteratura

Maria Grech Ganado

  .