Taħt il-Qoxra: ‘Ħelsien’ – ir-ripubblikazzjoni u l-istudju tiegħu

Fil-programm ta’ dil-ġimgħa tkellimna dwar ir-rumanz importanti ta’ Ġużè Bonnici ‘Ħelsien’ (1939), li riċentament reġa’ ġie ppubblikat minn SKS Publishers b’annotamenti kritiċi. Ir-rumanz iddaħħal ukoll fis-sillabu tal-‘A’ Level tal-Malti.

Iltqajna ma’ Maria Simiana, gradwata mill-Università ta’ Malta li studjat lil Bonnici, kif ukoll ma’ Nathan Anthony Pace, student entużjast fl-istudju tal-Malti li għadu kif lesta l-matrikola u għalhekk qara mill-qrib dan ir-rumanz. Nathan għadu wkoll kif qasam l-ewwel premju tal-Juvenes Translatores, kompetizzjoni tal-Kummissjoni Ewropea li fiha qaleb test mill-Ingliż għall-Malti.

Tkellimna magħhom dwar l-esperjenza tagħhom mar-rumanz, kemm mil-lat ta’ studju aktar avvanzat, u anki mill-perspettiva studenteska.

Ixtri l-ktieb ‘Ħelsien’ ta’ Ġużè Bonnici minn hawnhekk.

Infakkru lis-semmiegħa li dan l-episodju jixxandar fl-istess ħin fuq Radju Malta. 

[embedyt] https://www.youtube.com/watch?v=U6p65QD1otI[/embedyt]