Claudine Borg għandha dottorat fl-Istudji tat-Traduzzjoni u hija l-kap tad-Dipartiment tat-Traduzzjoni, it-Terminoloġija, u l-Interpretazzjoni fl-Università ta’ Malta. Ippreżentat xogħolha f’għadd ta’ konferenzi lokali u internazzjonali, u ppubblikat diversi artikli u kotba akkademiċi, fosthom il-monografija bit-titlu A Literary Translation in the Making: A Process-Oriented Perspective (2022) ippubblikata minn Routledge. Fost it-traduzzjonijiet letterarji tagħha nsibu żewġ kotba ta’ Éric-Emmanuel Schmitt: Oscar u s-Sinjura r-Roża (2015) u Kunċert b’Tifkira ta’ Anġlu (2021), li t-tnejn kienu finalisti fil-kategorija tat-traduzzjoni fil-Premju Nazzjonali tal-Ktieb. Hija membru elett tal-bord eżekuttiv tal-European Society for Translation Studies (EST) u l-editur ewlieni tan-Newsletter tal-EST.