Sejħa
Avveniment
MFCC, Ta' Qali
Il-Kunsill Nazzjonali tal-Ktieb huwa entità pubblika li tagħmel parti mill-Ministeru tal-Edukazzjoni, Sport, Żgħażagħ, Riċerka u Innovazzjoni. Il-Kunsill joffri bosta servizzi importanti lill-industrija tal-ktieb Malti filwaqt li jħeġġeġ il-qari u jmexxi ’l quddiem il-ktieb bħala mezz ta’ komunikazzjoni fix-xejriet kollha tiegħu.
Il-Kunsill jirrappreżenta lill-kittieba, lill-pubblikaturi u lill-imsieħba kollha tiegħu f’fora pubbliċi u internazzjonali…
The National Book Prize is the highest literary prize assigned to authors, editors, translators, publishers and illustrators for books published in Malta during the preceding year.
Titles are shortlisted and awarded according to the various categories of the National Book Prize and Terramaxka Prize for children and young adults. The National Book Prize is evaluated by an independent adjudication board ensuring the highest degree of transparency and fairness.
Il-Festival Nazzjonali tal-Ktieb huwa l-akbar ċelebrazzjoni tal-ktieb fil-kalendarju kulturali Malti. Kull sena jilqa’ eluf ta’ viżitaturi u madwar 50 esebitur. Il-Festival joffri wkoll diversi opportunitajiet għall-professjonisti fl-industrija sabiex jiltaqgħu u jsaħħu jew joħolqu relazzjonijiet ġodda.
Il-Fond Malti tal-Ktieb huwa inizjattiva mnedija mill-Kunsill Nazzjonali tal-Ktieb biex irawwem tkabbir kulturali fis-suq lokali tal-kotba.
Din l-inizjattiva hija parti mill-missjoni tal-KNK biex ikollna rwol ewlieni bħala aġenti kulturali, u allura nkunu kontributur proattiv u progressiv għall-iżvilupp kulturali, edukattiv u intellettwali tas-soċjetà. Il-fondi jistgħu jagħmlu differenza sostanzjali għal proġetti ta’ pubblikazzjoni mmirati għas-suq tal-kotba żgħir imma b’saħħtu li għandna Malta, speċjalment għal dawk il-proġetti bil-Malti li jkollhom sinifikanza lokali u kulturali.
Il-Kunsill Nazzjonali tal-Ktieb (KNK) huwa entità pubblika taħt il-Ministeru għall-Arti, il-Kultura u l-Wirt Nazzjonali li l-għan tiegħu huwa li jappoġġja l-industrija tal-pubblikazzjoni lokali permezz ta' mekkaniżmi ta' finanzjament pubbliku, avvenimenti kulturali u inizjattivi ta' sensibilizzazzjoni internazzjonali. Here we go to the company to join the ISBN u l-ISMN file in Maltin.
Il-Kunsill Nazzjonali tal-Ktieb għandu Bord tal-Membri mhux eżekuttiv innominat mill- Ministeru għall-Arti, il-Kultura u l-Wirt Nazzjonali , li jinħatar mill-Prim Ministru.
Il-laqgħat isiru kull xahrejn fl-uffiċċju tal-KNK jew online, u jitmexxew mill-Kap Eżekuttiv tal-KNK Mark Camilleri.
Il-Membri tal-Bord mhux eżekuttiv ma jitħallsux tal-irwol tagħhom, ma jistgħux ikunu appuntati bħala aġġudikanti għal ebda inizjattiva tal-KNK, imma jistgħu jipparteċipaw f'dawn l-inizjattivi.
It-terminu tal-Bord kurrenti jagħlaq f'Ġunju 2025. Il-Membri huma:
Mark Camilleri - Kap Eżekuttiv
Dr David Aloisio - Deputat Kap Eżekuttiv
Ms Daniela Attard Bezzina - Membru
Dr Maria Brown - Membru
Dr Sandra Hili Vassallo - Membru
Ms Joanne Micallef - Membru
Dr Omar Seguna - Membru
Mr Godwin Vella - Membru
Matthew Borg - Segretarju
Il-KNK joffri appoġġ finanzjarju dirett permezz tal-Fond Malti tal-Ktieb kif ukoll bl-iskema tal-Jeddijiet tas-Self Pubbliku.
Il-KNK jappoġġa wkoll l-industrija permezz ta’ inizjattivi li għandhom l-għan li jrawmu kultura usa’ ta’ qari u xiri ta’ kotba, anke permezz tal-avveniment annwali ewlieni kulturali tiegħu: il-Festival Nazzjonali tal-Ktieb.
L-imsieħba fl-industrija tal-kotba jibbenefikaw ukoll mill-viżibbiltà mogħtija lill-ħidma tagħhom mill-Premju Nazzjonali tal-Ktieb. Il-KNK jinvesti wkoll f’kampanji promozzjonali kontinwi matul is-sena li jitfgħu dawl fuq diversi aspetti tal-industrija, u li jservu biex tkompli tikber il-preżenza tal-kotba Maltin fost il-pubbliku ġenerali.
L-uffiċċji tal-KNK jinsabu fil-Kumpless Bice Mizzi Vassallo, Triq Arnheim, Pembroke.
Le, dik hija r-responsabbiltà tal-Aġenzija Nazzjonali tal-Litteriżmu (NLA). Madankollu, il-KNK sikwit jikkollabora mal-NLA fuq diversi inizjattivi, u jilqagħhom bħala wieħed mill-esebituri waqt il-Festival Nazzjonali tal-Ktieb.
Le, l-amministrazzjoni tal-libreriji reġjonali u pubbliċi hija r-responsabbiltà diretta ta’ entità governattiva separata – Malta Libraries. Madankollu, il-KNK ta’ spiss jikkollabora mill-qrib mal-Malta Libraries fuq diversi inizjattivi, filwaqt li jappoġġjahom ukoll b’donazzjoni annwali ta’ kotba li rebħu l-Premju Nazzjonali tal-Ktieb dik is-sena.
Tista' tagħmel kuntatt magħna permezz ta' din il-formola onlajn. Tista' wkoll tibgħatilna email fuq nationalbookcouncil@gov.mt, jew iċempelna fuq +356 27131574. Jekk tixtieq iżżurna fl-uffiċċji tagħna, tista' tagħmel dan mit-Tnejn sal-Ġimgħa fil-ħinijiet tal-uffiċċju (08:00-16:00) fl-indirizz t’hawn taħt:
Kunsill Nazzjonali tal-KtiebBice Mizzi Vassallo ComplexTriq ArnheimPembroke, PBK 1776Malta
Il-Festival Nazzjonali tal-Ktieb huwa l-akbar avveniment kulturali bbażat tal-kotba fil-gżejjer, organizzat mill-Kunsill Nazzjonali tal-Ktieb. Ċelebrazzjoni annwali tal-kultura tal-kotba f’Malta, il-Festival jistieden ta’ kull sena lill-partijiet interessati kollha biex jipparteċipaw – mill-pubblikaturi u l-bejjiegħa tal-kotba sa awturi awtopubblikati kif ukoll entitajiet pubbliċi u l-fergħat kulturali tal-istituti diplomatiċi mill-pajjiżi kollha li għandhom preżenza fil-gżejjer.
Organizzat għall-ewwel darba fl-aħħar tas-Snin Sebgħin, l-avveniment reġa’ beda jissejjaħ bħala Festival fl-2013, u minn dakinhar laqa’ figuri letterarji internazzjonali ewlenin bħala mistednin speċjali. Il-Festival huwa avveniment mifrux fuq ħamest ijiem favur il-familja li jilqa’ eluf ta’ viżitaturi kull sena – bi żjarat fl-iskejjel minn studenti li jidhru b’mod qawwi matul il-jiem ta’ filgħodu ta’ fost il-ġimgħa – u joffri programm dinamiku ta’ attivitajiet li jaħseb għal diversi gruppi ta’ età u għal interessi u ħtiġijiet differenti.
Żur il-paġna tal-Festival Nazzjonali tal-Ktieb fuq din il-website għal aktar informazzjoni.
Il-Premju Nazzjonali tal-Ktieb huwa l-ogħla ġieħ letterarju assenjat lill-awturi, edituri, tradutturi, pubblikaturi u illustraturi għal kotba ppubblikati f’Malta matul is-sena ta’ qabel. Il-premjijiet huma magħżula u mogħtija skont id-diversi kategoriji tal-Premju Nazzjonali tal-Ktieb. Il-Premju Nazzjonali tal-Ktieb huwa evalwat minn bord ta' aġġudikazzjoni indipendenti li jiżgura l-ogħla grad ta' trasparenza u ġustizzja.
Żur il-paġna tal-Premju Nazzjonali tal-Ktieb fuq din il-website għal aktar informazzjoni.
Il-Fond Malti tal-Ktieb miftuħ għall-applikazzjonijiet għal ħames tipi ta’ għotjiet:
i) Għotjiet għall-Pubblikazzjoni ta’ Kotba Ġodda;ii) Għotjiet ta' Pubblikazzjoni ta’ Edizzjonijiet Ġodda ta' Kotba mhux fl-Istampa;iii) Għotjiet għat-Traduzzjoni u l-Esportazzjoni Kategorija 1: Għotjiet għat-Traduzzjoni u l-Esportazzjoni ta’ kotba minn awturi Maltin;iv) Għotjiet għat-Traduzzjoni u l-Esportazzjoni Kategorija 2: Għotjiet għat-Traduzzjoni ta’ Silta minn Ktieb bħala Pitch;v) Għotjiet għal Traduzzjonijiet lejn il-Malti
L-għotjiet kollha mogħtija jistgħu jappoġġaw sa 100% tal-proġett propost sa massimu ta’ €5,000 għall-għotjiet kollha, minbarra l-Għotjiet għat-Traduzzjoni ta’ Silta minn Ktieb bħala Pitch, li jingħataw sa massimu ta’ €500 għal kull proposta ta’ pitch.Żur il-paġna tal-Fond Malti tal-Ktieb fuq din il-website għal aktar informazzjoni.
Awtur/traduttur/editur jew ko-awtur/fotografu/illustratur jista’ japplika biex jissieħeb ma’ waħda jew maż-żewġ skemi (il-Libreriji ta’ Malta u l-Librerija tal-Università ta’ Malta) billi jissottometti l-formola tal-applikazzjoni mimlija u ffirmata u bibljografija dettaljata tax-xogħlijiet li telenka: i. Titlu tal-Pubblikazzjoni, ii. Isem u Kunjom (kif stampat), iii. Rwol fil-Pubblikazzjoni, u iv. ISBN, lil-Maniġer tal-ISBN fl-indirizz hawn taħt.
Maniġer ISBN,Kumpless Bice Mizzi VassalloTriq ArnhemPembroke PBK1776
Żur il-paġna PLR fuq din il-website għal aktar informazzjoni.
"*" indicates required fields
Δ