Immanuel Mifsud huwa awtur u poeta li rebaħ diversi premjijiet letterarji, fosthom il-Premju Letterarju tal-Unjoni Ewropea. Il-kotba tiegħu ġew tradotti f'diversi lingwi u ppubblikati minn uħud mill-akbar djar tal-pubblikazzjoni Ewropej. Mifsud huwa impenjat ukoll fil-qasam teatrali, kemm bħala reġista, kif ukoll bħala kittieb. L-aħħar żewġ xogħlijiet li kiteb għat-teatru, Daqsxejn ta' Requiem lil Leli u Dik is-Siġra f'Nofs ta' Triq huma miktubin bil-vers bi produzzjonijiet ta' Teatru Anon u Teatru Malta. Mifsud jgħallem il-letteratura fl-Università ta' Malta.