Din hija t-tieni ġabra annwali ta’ Aphroconfuso u tiġbor fiha l-biċċa l-kbira tal-kitba li dehret fit-tieni sena tal-ġurnal, mill-1 ta’ Mejju 2024. Antoloġija 2 tinkludi esejs, stejjer, poeżiji, djarji, u xogħol kollaborattiv. It-tnedija se ssir bil-parteċipazzjoni ta’ wħud mill-kontributuri, fosthom Kristina Borg, Leslie Vassallo, Nathan Anthony Pace, Omar N’Shea, Miriam Galea, Ryan Falzon, Kurt Borg, Raylene Abdilla, u l-edituri Loranne Vella u Joe Gatt.