Dan il-workshop tat-tpinġija jistieden lit-tfal tal-iskejjel primarji biex ixammru jdejhom u jieħdu sehem f’esperjenza kreattiva permezz tal-materjali bl-ogħla kwalità tal-Faber-Castell, bħal ngħidu aħna lapsijiet, lapsijiet tal-kulur, u markers. Il-parteċipanti se joħolqu pajsaġġi, karattri, u xeni maġiċi li jfakkruna fil-kotba fuq il-messy pads provduti. Il-workshop se jrawwem l-immaġinazzjoni, l-irrakkuntar tal-istejjer u l-komunikazzjoni viżwali permezz tal-illustrazzjoni fil-parteċipanti. 

L-istudenti tal-iskejjel medji u sekondarji se jkollhom l-opportunità biex jużaw il-markers akriliċi l-ġodda tal-Faber-Castell fuq basktijiet u tazzi tal-karti fost oġġetti oħra. 

Dawn l-attivitajiet huma mmirati għall-iskejjel kollha li se jżuru l-Festival Nazzjonali tal-Ktieb. Il-materjali kollha se jiġu pprovduti u l-postijiet huma disponibbli abbażi ta’ min jiġi l-ewwel jinqeda l-ewwel.