F’dan is-seminar prattiku għall-kittieba, l-Edituri Elizabeth Cortis u Diana Grech Pearson ta’ Bookmark Editors se jesploraw il-possibbiltà ta’ kif jistgħu jinħolqu karattri emozzjonalment rikki u multidimensjonali li, permezz tagħhom, il-qarrejja jirrelataw sew magħhom. Se titgħallem kif tinseġ fid-dettall u fl-awtentiċità filwaqt li tevita l-klixejiet, l-isterjotipi, u l-ispjegazzjoni żejda. Minflok ma tgħid lill-qarrejja tiegħek min huma l-karattri tiegħek, skopri kif tħallihom jiżvelaw lilhom infushom permezz tal-azzjoni, id-djalogu, u l-kontradizzjoni. Din is-sessjoni toffri għarfien editorjali ċar u għodod prattiċi biex jgħinuk timxi minn sterjotipi ċatti għal karattri li jibqgħu miegħek anki wara li tiffinalizza l-aħħar paġna tal-ktieb.Dan l-avveniment huwa bla ħlas, iżda jeħtieġ reġistrazzjoni minn qabel. Jekk jogħġbok irreġistra permezz ta’ din il-formola.