Marka+Stampa huwa suq ġdid tal-artisti mtella’ mill-Malta Community of Illustrators b’kollaborazzjoni mal-Kunsill Nazzjonali tal-Ktieb u l-Istitut tal-Arti Kreattiva fl-MCAST. Ikkurat minn Michelle Gruppetta, se jkun qed jiċċelebra l-uċuħ differenti tal-illustrazzjonijiet, iz-zines, u s-sengħa tal-istampar. Is-suq se jlaqqa’ gruppi differenti ta’ artisti u nies tas-sengħa lokali, u fih se tkun tista’ ssib tpinġijiet, stampi u kotba magħmula bl-idejn. Għandek iċ-ċans li tiltaqa’ man-nies li joħolqu dax-xogħol kreattiv, tiskopri talenti ġodda, u takkwista xi biċċa xogħol ġdida.