Xi tkun ir-reazzjoni tiegħek jekk ngħidlek li s-sigriet biex tikteb djalogu aħjar ma jinsabx f’dak li tikteb, iżda f’dak li tisma’? F’dan is-seminar immirat għal kittieba ġodda u dawk stabbiliti fil-ġeneru tal-finzjoni, Elizabeth Cortis, konsulent editorjali u fundatriċi ta’ Bookmark Editors, tistiednek biex tibdel il-mod kif tersaq lejn il-kitba tad-djalogu billi tħarreġ widnet il-moħħ. Billi tagħti eżempji min-newroxjenza u sserraħ fuq snin ta’ esperjenza fl-irwol tagħha ta’ editriċi, Elizabeth se tesplora kif is-smigħ bir-reqqa u l-empatija jistgħu jgħinuk tikteb djalogu aktar kredibbli u awtentiku. Se tmur lura d-dar bi strateġiji prattiċi biex tevita l-iżbalji komuni, tirfina l-vuċijiet tal-karattri tiegħek, u żżid aktar awtentiċità f’kull konverżazzjoni fl-istorja tiegħek.
Dan l-avveniment huwa bla ħlas, iżda jeħtieġ reġistrazzjoni minn qabel. Jekk jogħġbok irreġistra permezz ta’ din il-formola.