Ingħaqad mal-Aġenzija għall-Enerġija u l-Ilma għal sessjoni ta’ qari li se ssaħħrek dwar il-konservazzjoni tal-ilma!

Fiċ-Ċentru tal-Għajn niltaqgħu ma’ żewġ karattri: Zoe, tifla ta’ ħdax il-sena, u d-Dragun, l-ikbar ħabib tagħha. Minħabba l-pandemija tal-Covid-19, l-iskejjel u ċ-ċentri edukattivi kienu kollha magħluqin, inkluż l-Għajn. B’hekk, Zoe u d-Dragun bdew jiddiskutu u jitgħallmu fuq suġġetti varji dwar l-ilma, tant li anke ppreparaw lezzjonijiet virtwali fuq is-sit taċ-Ċentru tal-Għajn sabiex jgħallmu lit-tfal b’mod ġdid minħabba ċ-ċirkostanzi diffiċli.