‘Temi Kbar maż-Żgħar’ huwa l-podcast ta’ Fondazzjoni Sagħtar mal-istudenti kull xahar. Il-podcast jikkonsisti l-ewwel f’diskussjoni bejn grupp ta’ studenti u l-preżentatriċi Maria Laura Vella Clark, u wara l-espert tas-suġġett is-Sur Brian Chircop jiġbor il-punti u jikkummenta dwarhom. Fl-aħħar l-istudenti jistaqsu lill-espert dwar it-tema.

It-temi diskussi huma ta’ natura soċjali u jinkludu d-demokrazija, il-ġustizzja u d-drittijiet, fost l-oħrajn. Waqt il-Festival Nazzjonali tal-Ktieb se ssir puntata speċjali u fiha se tkun tista’ tipparteċipa l-udjenza mill-iskejjel preżenti.

Tista’ ssegwi dal-podcast fuq YouTube u anki fuq Spotify, mis-sit www.saghtar.org.mt jew mill-app tas-Sagħtar. Tidher kitba dwar kull puntata fir-rivista Sagħtar.