L-istampar bit-Tetra Pak jagħtik introduzzjoni varjata għall-metodi ta’ stampar oħra bħall-Intaglio u l-Collagraph, li jista’ jagħmlu kemm xi ħadd li għadu jibda u anki xi stampatur tal-esperjenza. F’dal-workshop ta’ prattika, il-parteċipanti se jimmarkaw, iħaffru, jaqtgħu u joborxu fuq in-naħa tal-fidda tat-Tetra Pak biex joħolqu galvu. Imbagħad fuq dal-galvu se titpoġġa l-linka li xħin tinxef toħloq id-disinn. Imbagħad dan id-disinn ikun stampat b’magna żgħira tal-istampar fuq il-post. Din hija opportunità sabiħa u mhux ta’ min jitlifha biex tesperjenza oġġett maħluq minnek u stampat quddiem għajnejk b’ċerta tattika u dettall.

M’hemmx bżonn ikollok l-esperjenza biex tipparteċipa: kulma teħtieġ huwa l-kurżità u sens ta’ linji, tessut u esperimentazzjoni. B’dan il-workshop se titgħallem ħiliet ġodda fl-istampar b’mod leġġer, kreattiv u sostenibbli.

Dan il-workshop tajjeb għal persuni minn tmien snin ’il fuq; madankollu tfal ta’ bejn 8 u 12-il sena jridu jkunu ma’ xi ħadd adult. Min jibbukkja l-ewwel jinqed l-ewwel, u hemm 10 postijiet disponibbli.

Sponsorjat mill-Kunsill Nazzjonali tal-Ktieb u l-Faber-Castell.