Anton Grasso, imwieħed Raħal Ġdid fl-1952, huwa meqjus bħala l-imgħallem ewlieni fil-ġeneru tal-waħx f’Malta. Ippubblika l-ewwel ktieb tiegħu, Iljieli bla Qamar (Moonless Nights), fl-1974 meta kellu 22 sena biss. Eventwalment dar-rumanz żvolġa fl-ewwel serje ta’ stejjer tal-waħx moderni f’Malta. Tul deċennji ta’ kitba, Grasso pproduċa damma kbira ta’ xogħlijiet – novelli, rumanzi, traduzzjonijiet, esejs, poeżiji, żewġ studji dwar il-paranormal (li wieħed minnhom, Enigma, inħadem f’serje televiżiva popolari immens), awtobijografija, u aktar minn 27 volum ta’ stejjer tal-waħx. Il-vuċi tiegħu saret sinonima mal-kultura popolari Maltija: il-programm tar-radju Stejjer tal-Waħx dam għaddej aktar minn 20 sena, u Grasso serva wkoll bħala direttur tal-programmi fl-istazzjon nazzjonali bejn l-1981 u l-2004.

Grasso huwa kittieb prolifiku, u ħafna mill-kotba tiegħu jinbiegħu mill-ewwel, jiġu ristampati, u dejjem iħallu marka fuq dawk il-qarrejja li jogħġobhom il-misterjuż, l-istramb u s-supernaturali. Fil-kitba tiegħu, Grasso jżewweġ l-interess tiegħu għall-orrur mar-riflessjonijiet fuq in-natura vulnerabbli tal-bniedem, id-destin, u l-emozzjonijiet, u jinseġ stejjer li jqabbduk il-bard, avolja bosta drabi jkollhom lehma personali. Bħala rikonoxximent għall-kontribut tiegħu lil-letteratura Maltija, kien ingħata l-Midalja għall-Qadi tar-Repubblika fl-2021.