Dr Charles Paul Azzopardi huwa tabib Malti li r-riċerka tiegħu tiffoka fuq il-prattiki fotografiċi f’Malta matul is-seklu dsatax u l-bidu tas-seklu għoxrin. Huwa ha d-dottorat fiċ-Ċentru ta’ Riċerka fl-Istorja tal-Fotografija (Photographic History Research Centre) fl-Universita De Montfort, f’Leicester. Huwa ta kontribut sinifikanti bħala kuratur u konsulent fil-qasam tal-wirt kulturali fotografiku mal-Arkivji Nazzjonali ta’ Malta u mal-Arkivju Richard Ellis. Ir-riċerka u x-xogħol fotografiku ta’ Azzopardi ġew ippubblikati f’ħamsin ktieb, u b’hekk saħħew ir-rispett u l-mestjier tiegħu fl-oqsma tal-fotografija u tal-pubblikazzjoni.
Huwa wkoll il-fundatur tal-Malta Image Preservation Archive (MIPA), organizzazzjoni mhux governattiva li għandha l-għan li tippreserva u tiddiġitizza l-wirt kulturali fotografiku Malti. L-organizzazzjoni taġixxi wkoll bħala grupp ta’ rappreżentanza favur it-twaqqif ta’ mużew iddedikat għall-istorja tal-fotografija Maltija u ta’ kollezzjoni fotografika nazzjonali. Azzopardi huwa Fellow tar-Royal Photographic Society, kif ukoll Fellow u eks-President tal-Malta Institute of Professional Photography.