It-tberfil hija prattika artistika u dekorattiva maħbuba mill-Maltin u popolari ferm fuq it-trakkijiet, speċjalment fuq tal-linja tas-seklu 20. Madankollu, ftit jafu dwar kif din l-arti spiċċat fuq artna, u dal-ktieb ġdid jesplora l-istorja ta’ din il-forma artistika unika bis-saħħa tal-istilistika li tiddefinixxiha – kif jinkitbu l-ittri, kif jitpinġew dawk il-linji rqaq u mberflin, u l-ornamentazzjoni ta’ kollox – u anki bis-saħħa tan-nies li ħadmu bit-tberfil. It-tnedija tal-ktieb se tinkludi diskussjoni mat-tberfilista Joe Farrugia u oħrajn dwar l-imgħoddi, il-preżent u l-ġejjieni tat-tberfil.