Festival Nazzjonali

tal-Ktieb

Il-Festival Nazzjonali tal-Ktieb huwa l-akbar ċelebrazzjoni tal-ktieb fil-kalendarju kulturali Malti. Kull sena jilqa’ eluf ta’ viżitaturi u madwar 50 esebitur. Il-Festival joffri wkoll diversi opportunitajiet għall-professjonisti fl-industrija sabiex jiltaqgħu u jsaħħu jew joħolqu relazzjonijiet ġodda

Il-Festival Nazzjonali tal-Ktieb 2026 se jittella’ bejn l-4 u t-8 ta’ Novembru.

45

SENA TA' STORJA

50

ESEBITUR

40000

VIŻITATUR

Il-Festival Nazzjonali tal-Ktieb Storja ta' 45 sena

L-ewwel edizzjoni tal-Festival saret fl-1979, taħt l-isem tal-Fiera tal-Ktieb (1979-2012). Minn dakinhar l-avveniment żvilluppa f’festival li jiċċelebra l-kultura tal-kotba fil-forom varji tagħha.

Id-dimensjoni internazzjonali tal-Festival qed kulma jmur issir aktar evidenti bil-preżenza ta’ awturi u pubblikaturi barranin mistiedna. Tul is-snin, fost l-oħrajn, żaru l-Festival Ros Barber, Shahd Alshammari, Tim Parks, Philip ò Ceallaigh, Vera Duarte, Naomi Klein, l-Imħallef Rosemarie Aquilina, Sir Salman Rushdie, Irvine Welsh, John Boyne, Sam Blake, Paul Lynch, Anthony Horowitz, Jeff VanderMeer u Samantha Harvey.