Ingħaqad mal-KNK għal diskussjoni madwar il-mejda fuq il-qagħda tal-letteratura fittizja f’Malta, immoderata mil-lettur u l-awtur David Aloisio.

Il-kittieba Maltin huma konxji tal-letterarjetà fil-proża fittizja? Kemm tingħata importanza għal dak li nkiteb qabel? U l-awturi tagħna jkunu fuq ix-xwiek jistennew il-manuskritt tagħhom editjat, saħansitra mbiċċer, jekk hemm bżonn? Jieħdu sehem l-aġġudikanti tal-Premju Nazzjonali tal-Ktieb Omar N’Shea u Maria Theuma, l-awtur u l-lettur Immanuel Mifsud, kif ukoll Daniel Cossai, reċensur tal-paġna letterarja fuq l-ILLUM .