Skip to content

Jiftaħ il-Konkors Nazzjonali tal-Poeżija Doreen Micallef 2025

Image of Jiftaħ il-Konkors Nazzjonali tal-Poeżija Doreen Micallef 2025

Il-Kunsill Nazzjonali tal-Ktieb (KNK) qed jistieden lil dawk il-poeti li jiktbu bil-Malti sabiex jissottomettu xogħolhom għall-Konkors Nazzjonali tal-Poeżija Doreen Micallef sa mhux aktar tard mill-14 ta’ Lulju.

Il-Konkors issa jinsab fis-7 edizzjoni tiegħu mindu tnieda fl-2019 mill-KNK, u l-għan tiegħu hu li joffri pjattaforma nazzjonali għall-poeżija u fl-istess ħin jiċċelebra t-talent kontemporanju f’dal-qasam.

Il-KNK jappunta bord ta’ aġġudikazzjoni indipendenti, li jara l-poeżiji kollha b’mod anonimu u jivvalutahom skont damma ta’ kriterji. Dawn huma l-oriġinalità, l-eċċellenza fit-teknika, il-forma, il-lessiku, u l-livell ta’ effettività li bih il-poeżija tilħaq livell letterarju mixtieq.

Jingħataqw tliet premji; għall-poeżija rebbieħa bi premju monetarju ta’ €1,000, u għat-tieni u t-tielet post bi premju ta’ €500 u €200 rispettivament. Ir-rebbieħa tal-Konkors jitħabbru waqt serata uffiċjali fil-Festival Nazzjonali tal-Ktieb 2025, li dis-sena se jsir bejn il-5 u d-9 ta’ Novembru l-MFCC, Ta’ Qali.

L-applikanti mitluba jissottomettu poeżija waħda bil-Malti li qatt ma kienet ippubblikata u li ma taqbiżx is-36 linja.

Kull min hu interessat imħeġġeġ jaqra l-linjigwida tal-Konkors, li tista’ ssibhom fis-sit il-ġdid tal-Kunsill Nazzjonali tal-Ktieb.

Id-data għall-għeluq tas-sottomissjonijiet hi l-14 ta’ Lulju, u l-poeżiji jridu jintbagħtu online minn din l-applikazzjoni hawnhekk.

SHARE POST

This site is registered on wpml.org as a development site. Switch to a production site key to remove this banner.