John Boyne, l-awtur ta’ The Boy in the Striped Pyjamas (David Fickling Books, 2006), u ħafna bestsellers internazzjonali oħra, se jkun magħna waqt it-tour tal-aħħar rumanz tiegħu, All the Broken Places (Penguin, 2022), sequel b’saħħtu li ntlaqa’ tajjeb mill-kritiċi tar-rumanz imsemmi qabel, li jittratta s-sens ta’ ħtija u l-kompliċità wara l-Olokawst. L-awtur ċelebri se jkun qed jitkellem ma’ Leanne Ellul, l-awtriċi tar-rumanz rebbieħ għall-addolexxenti Gramma (Merlin, 2015), u Bjuda (2022) fost xogħlijiet oħra. Wara l-intervista, l-awtur se jiffirma personalment xogħlijiet tiegħu.