Mill-Passjoni għall-Professjoni: Introduzzjoni tal-MEIA għall-Għanijiet Settorjali Marbuta mal-Letteratura – MEIA – Is-Sala tal-Qarrejja

Il-workshop huwa mmirat għall-pubblikaturi, kittieba u awturi, u se jservi wkoll ta’  sessjoni introduttorja għaż-żieda l-ġdida mal-għanijiet settorjali kreattivi tal-MEIA.

L-għan ta’ dan il-workshop huwa li jrawwem djalogu miftuħ dwar il-professjonalizzazzjoni tal-industrija letterarja f’Malta. Il-parteċipanti se jesploraw aspetti kritiċi tal-mogħdija fix-xena letterarja ta’ Malta, u jindirizzaw il-ħtieġa għall-implimentazzjoni ta’ strateġiji effettivi u sfidi għal din il-mixja.

Is-sessjoni se tenfasizza strateġiji għat-titjib tal-iżvilupp professjonali ta’ individwi involuti fis-settur tal-letteratura, u fl-aħħar mill-aħħar timmira li tagħti s-setgħa lil dawk li jattendu biex jirnexxu fil-karrieri letterarji tagħhom.