SEJĦA GĦALL-APPLIKAZZJONIJIET: POŻIZZJONI TA’ DIRETTUR (EŻEKUTTIV) MAL-KUNSILL NAZZJONALI TAL-KTIEB

NUMRU TA’ PERMESS JOBSPLUS 477/2025

Il-Kunsill Nazzjonali tal-Ktieb (KNK) qed jilqa’ l-applikazzjonijiet għall-Pożizzjoni ta’ Direttur (Eżekuttiv) mal-Kunsill Nazzjonali tal-Ktieb – Numru ta’ Permess Jobsplus 477/2025. Dan huwa inkarigu ta’ livell għoli, full-time, u b’kuntratt definit fuq 3 snin li jiġġedded. Il-pakkett offrut huwa wieħed kompetittiv, b’salarju ta’ €41,530 fis-sena skont Skala 4 tas-Salarji, flimkien ma’ bonus tal-performance u benefiċċji oħra.

Il-kandidat li jintgħażel ikun irid iwieġeb direttament lill-Kap Eżekuttiv. L-irwol huwa wieħed ewlieni fl-immaniġġjar strateġiku u operattiv tal-KNK. Ir-responsabbiltajiet jinkludu l-implimentazzjoni tal-istrateġija tal-KNK bejn l-2025 u l-2030, it-tweżin tal-governanza interna, ir-rappreżentanza fuq livell Ewropew, u l-kordinazzjoni effettiva tal-persunal u l-programmi tal-KNK.

L-applikanti jrid ikollhom livell ta’ edukazzjoni fi grad ta’ Maġisteru (MQF 7) f’qasam relevanti, ngħidu aħna l-Arti, il-Pubblikazzjoni, jew il-Politika Pubblika. Irid ikollhom tal-inqas 3 snin esperjenza, b’minn tal-inqas waħda minnhom tkun f’pożizzjoni maniġerjali. Essenzjali l-kapaċità lingwistika bil-Malti u bl-Ingliż. Aktar dettalji dwar l-eliġibbiltà u x’inhu mistenni fis-sejħa uffiċjali.

L-applikazzjonijiet jiddaħħlu online biss u jridu jkunu indirizzati lill-Kap Eżekuttiv fuq nationalbookcouncil@gov.mt. Is-sottomissjoni trid tinkludi:

• Ittra ta’ akkumpanjament;
• Europass CV aġġornat bl-ID Card u l-kwalifikazzjonijiet;
• Service u Leave Record Form (GP 47) aġġornati, jew l-employment history mill-Jobsplus;
• Kondotta riċenti maħruġa mill-Pulizija.

Dawk l-applikanti li jaħdmu mas-Settur Pubbliku jridu jissottomettu rekords tal-leave u konferma uffiċjali tax-xogħol kurrenti tagħhom, maħruġa mill-Ministeru relevanti.

Id-data tal-għeluq għas-sottomissjonijiet hija l-Erbgħa 28 ta’ Mejju 2025 f’nofsinhar (CET). Kull applikazzjoni li tidħol wara dal-ħin ma tkunx aċċettata għal ebda raġuni.

Tintbaħat konferma li daħlet l-applikazzjoni b’email. Il-kandidati prospettivi jkunu assessjati minn bord, u l-marka biex tgħaddi hija 50%.

Din hija opportunità unika biex b’xogħlok tixpruna u tiggwida l-qasam tal-pubblikazzjoni f’Malta billi tkun impjegat ta’ waħda mill-aktar istituzzjonijiet kulturali u dinamika tiegħu. Inħeġġuk taqra s-sejħa kollha, speċjalment id-dettalji u l-kundizzjonijiet tal-eliġibbiltà.

Id-dettalji kollha hawnhekk.

Jekk għandek xi mistoqsija, kellimna fuq nationalbookcouncil@gov.mt