Rebbieħa tal-Premju Nazzjonali tal-Ktieb 2016
Il-Kunsill Nazzjonali tal-Ktieb jixtieq iħabbar ir-rebbieħa tal-Premju Nazzjonali tal-Ktieb 2016: Kotba 2015. Is-serata ta’ premjazzjoni seħħet nhar il-Ġimgħa 2 ta’ Diċembru 2016 f’ċerimonja uffiċċjali fil-Berġa ta’ Kastilja. Parteċipanti flimkien ma’ mistiedna speċjali oħra kienu preżenti għas-serata u d-diskorsi uffiċċjali l-Onor. Ministru tal-Edukazzjoni u x-Xogħol, Evarist Bartolo u tal-Kap Eżekuttiv tal-Kunsill Nazzjonali tal-Ktieb, is-Sur Mark Camilleri. Ingħataw ċertifikati lill-finalisti kollha f’kull kategorija flimkien mal-pubblikaturi tagħhom u r-rebbieħa f’kull kategorija ingħataw trofew, ċertifikat u premju ta’ €1000 kull wieħed.
Il-ġurija għall-Premju Nazzjonali tal-Ktieb ta’ din is-sena kienet komposta minn: Prof. Clare Vassallo, is-Sur Mario Ellul, Prof. Victor Mallia Milanes, is-Sur Andre’ Vella Laurenti, s-Sur Caldon Mercieca, Dr. Josette Attard, is-Sa. Justin Somerville, is-Sa. Kristy Borg u s-Sa. Ruth Ancilleri. Is-Sa. Cheryl Falzon u s-Sa. Joanne Sciberras evalwaw il-kotba fil-kategoriji rispettivi.
Ir-Rebbieħa f’kull kategorija huma:
RUMANZI BIL-MALTI U BL-INGLIŻ
Alex Vella Gera għall-ktieb Trojan (Klabb Kotba Maltin)
NOVELLI BIL-MALTI U BL-INGLIŻ
Trevor Zahra għall-ktieb Vespri (Merlin Publishers)
POEŻIJA BIL-MALTI U BL-INGLIŻ
Nadia Mifsud għall-ktieb Kantuniera ‘l Bogħod (Skarta)
TRADUZZJONI
Edmund Teuma għall-ktieb L-Iljieli Għarbin (BDL)
RIĊERKA TA’ NATURA ĠENERALI
Gerald Bugeja għall-ktieb Antonio Sciortino, The Lost Album (Kite Group)
RIĊERKA TA’ NATURA STORJOGRAFIKA
Keith Sciberras għall-ktieb Caravaggio to Mattia Preti: Baroque Painting in Malta (Midsea Books)
U
Paul George Pisani għall-ktieb The Battle of Lepanto: An Unpublished Hospitaller Account (Salesians of Don Bosco)
PREMJU GĦALL-AĦJAR PRODUZZJONI TA’ KTIEB BL-ISBAĦ DEHRA GĦAS-SENA 2015
Birdlife Malta għall-ktieb History of Ornithology in Malta
NOMINA SPEĊJALI FIL-KATEGORIJA “POEŻIJA BIL-MALTI U BL-INGLIŻ’
Victor Fenech għall-pubblikazzjoni Doreen Micallef: il-Poeżija, il-Konferenza (L-Akkademja tal-Malti u Klabb Kotba Maltin)
PREMJU MOGĦTI LIL DIK IL-PERSUNA LI KISBET SUĊĊESS BIL-KITBA TAGĦHA BĦALA KITTIEBA EMERĠENTI
Leanne Ellul
PREMJU LIL DIK IL-PERSUNA LI TAT KONTRIBUT SIEWI FIL-LETTERATURA JEW FIL-QASAM TAL-KTIEB
Mario Azzopardi
