Masterclass minn Sam Blake dwar il-kitba kreattiva għal studenti post-sekondarji – KNK – Is-Sala tal-Kittieba

Il-karattri, il-post u l-plot huma kollha komponenti ewlenin għal storja tajba, iżda kif se ssensilhom b’mod tajjeb u li jaħdmu flimkien? Sam Blake titkellem dwar kif hi tterraq tul il-proċess kreattiv tagħha, u anki tikkonsulta mal-pariri ta’ kollegi oħra f’din l-industrija – minn Jeffery Deaver sa Joanne Harris. Dan l-avveniment hu mmirat għal żgħażagħ fil-livell postsekondarju li tinteressahom il-kitba kreattiva bi kwalunkwe lingwa.

Trid tirreġistra biex tipparteċipa – irreġistra online.

Vanessa Fox O’Loughlin tikteb rumanzi polizjeski taħt il-psewdonimu ta’ Sam Blake, u kellha suċċessi notevoli bir-rumanzi tagħha li waslu mal-finalisti fl-Irish Crime Novel of the Year tliet darbiet. Is-seba’ bestseller tagħha, The Mystery of Four, u r-rumanz riċenti tagħha għaż-żgħażagħ Something Terrible Happened Last Night jinsabu għall-bejgħ. Vanessa waqqfet l-akbar sit Ewropew tar-riżorsi, writing.ie, li rebbaħha wkoll premji varji, il-grupp ta’ kitba online Writers Ink, u Murder One – Il-Festival Internazzjonali tal-Irlanda tal-Kitba Polizjeska. Vanessa hija membru fil-bord tas-Soċjetà tal-Awturi, u membru tal-RSA. Għenet fl-iżvilupp ta’ bosta inizjattivi fid-dinja tal-kitba, u b’hekk għamlet isem ma’ kittieba emerġenti. Taħdem ukoll ma’ aġenti letterarji u pubblikaturi kemm fir-Renju Unit kif ukoll fl-Irlanda sabiex tgħarrex għal talent ġdid. Vanessa ngħaqdet mal-Bord tal-Assoċjazzjoni ta’ Kittieba tal-Polizjesk fl-2021, u għandha rwol ewlieni fl-organizzazzjoni tax-Xahar Nazzjonali ta’ Qari Polizjesk.