SEJĦA GĦAL TRADUTTURI – Inkiteb fid-database tal-KNK għat-tradutturi

Il-Kunsill Nazzjonali tal-Ktieb (KNK) qed jistieden lit-tradutturi letterarji kollha attivi fis-settur letterarju Malti sabiex jissottomettu d-dettalji tagħhom sabiex dawn jidhru f’database ġdida ta’ tradutturi stabbiliti.

Il-KNK qed infittxu li noħolqu lista ta’ tradutturi letterarji li jkun jista’ jsibha kulħadd, speċjalment dawk li jkunu qed ifittxu tradutturi għal xogħol ta’ traduzzjoni, ngħidu aħna għal proġetti relatati mal-friegħi tat-traduzzjoni tal-Fond Malti tal-Ktieb.

Dawk it-tradutturi interessati ġentilment mitluba jibagħtu CV u profil tat-traduttur, li jindikaw ċar f’liema lingwa jew lingwi jispeċjalizzaw. Il-lingwi magħżula jridu jirriflettu l-ħila u l-interessi tat-traduttur fit-traduzzjoni ta’ xogħlijiet letterarji f’dawk il-lingwi msemmija.

Jekk jogħġbok, daħħal l-informazzjoni mitluba bis-Submittable minn hawnhekk.