Festival, Fondi u Żviluppi Strateġiċi għall-2026: Dati Ewlenin

Fl-24 ta’ Jannar il-Kunsill Nazzjonali tal-Ktieb (KNK) organizza l-Laqgħa Annwali ta’ Konsultazzjoni mal-Awturi u l-Pubblikaturi, li matulha ppreżenta l-kalendarju tax-xogħol u l-inizjattivi tiegħu għal dis-sena. Fost l-oħrajn, issemmew il-Premju Nazzjonali tal-Ktieb, il-Fond Malti tal-Ktieb, u l-Festival Nazzjonali tal-Ktieb.

Kif jidher aktar ’l isfel, il-Fond Malti tal-Ktieb dis-sena se jiżdied bi €19,000, li se jinfirxu fil-fergħat eżistenti kif ukoll f’oħrajn ġodda, fosthom l-Adattament ta’ Kotba Stampati f’E-books u Audiobooks. Intant, il-fond tal-Premju Nazzjonali tal-Ktieb dis-sena żdied b’€20,000, u se jilqa’ tliet premji għall-Aħjar Produzzjoni ta’ Ktieb bl-Isbaħ Dehra, u kotba li għalkemm dehru online qabel, ikunu ġew ippubblikati fiżikament fl-2025. Aktar dettalji dwar il-Premju tingħata fil-jiem li ġejjin meta tiftaħ is-sejħa.

Sinjifikanti l-fatt li l-2026 għandha tkun is-sena li fiha jibda jinħasad l-ewwel frott mill-Viżjoni Strateġika tal-KNK fuq Ħames Snin. Fost l-oħrajn, il-KNK bi pjaċir iħabbar li se jingħata Sussidju fuq il-Prezz tal-Karta ta’ Kotba Stampati, li se jinfetaħ għall-applikazzjonijiet aktar tard dis-sena. Din l-inizjattiva qed issir biex twieżen mill-pressjonijiet finanzjarji li l-pubblikaturi qed jaffaċċjaw minħabba taqlib mill-gwerra fl-Ukrajna.

Tappa oħra mill-istrateġija li se titwettaq dis-sena hija l-Konferenza Annwali dwar il-Ktieb – organizzata u mmexxija mill-KNK bil-għan li jħeġġeġ diskussjoni kritika dwar l-industrija tal-ktieb u l-politika kultura. L-ewwel edizzjoni tagħha se tittella’ fit-8 ta’ Mejju fid-DoubleTree tal-Hilton, il-Qawra, u se tħares lejn ‘L-Ekonomija u l-Ktieb’ u kif il-kultura tal-pubblikazzjoni, il-bejgħ tal-kotba u l-qari jiffunzjonaw f’ekonomija żgħira.

Jekk jogħġbok, ara l-kalendarju sħiħ tal-attivitajiet minn hawn taħt. Inkella tista’ tniżżlu bħala PDF minn hawn.

Il-Premju Nazzjonali tal-Ktieb 

• Sejħa għal Sottomissjonijiet: 3 ta’ Frar sa 20 ta’ Frar 2026
• Lista ta’ Sottomissjonijiet: 27 ta’ Marzu 2026
• Lista tal-Finalisti: 25 t’Awwissu 2026
• Ċerimonja uffiċjali: 17 ta’ Settembru 2026 

Ħarsa ħafifa:

• 8 premijijiet għall-Kotba tal-Kbar, 6 Premjijiet għall-Kotba tat-Tfal u Żgħażagħ
  
• Premjijiet:
  1. €4,000 għal xogħlijiet oriġinali
  2. €2,000 għal xogħlijiet tradotti (Kotba tat-Tfal u Żgħażagħ biss)
  3. €4,000 għal premjijiet speċjali
  4. €1,000 għall-pubblikaturi tal-kotba rebbieħa
• Bord t’aġġudikazzjoni independenti (€1,500 + VAT għal kull aġġudikatur, 9 b’kollox)

Kuntatt:
Ivania Attard – ivania.attard@gov.mt 
Matthew Borg – matthew.borg@ktieb.org.mt 

Il-Festival Nazzjonali tal-Ktieb

• Data: 4–8 ta’ Novembru 2026
• Sejħa għal applikazzjonijiet: 14 t’April sal-5 ta’ Mejju 2026 (Esebituri u mhux)

Kuntatt:
Mark Camilleri – mark.camilleri.5@gov.mt – Loġistika u Operations
Celine Portelli – celine.portelli.2@gov.mt – Applikazzjonijiet u Esebituri
Sandra Hili Vassallo – sandra.hili-vassallo.1@gov.mt – Events

Fond Malti għall-Ktieb

• Sejħa għall-Applikazzjonijiet: 17 ta’ Marzu sa 19 ta’ Mejju 2026
• Tħabbira tar-riżultati: 17 ta’ Lulju 2026

Ħarsa ħafifa:

• Baġit: €159,000
• Medda ta’ Għotjiet: €500–€5,000
• Allokazzjoni ta’ Fondi:
  1. €55,000 għall-Pubblikazzjoni ta’ Kotba Ġodda
  2. €10,000 għall-Pubblikazzjoni ta’ Edizzjonijiet Ġodda ta’ Kotba mhux fl-Istampa
  3. €50,000 għat-Traduzzjoni u Esportazzjoni ta’ Kotba minn Awturi Maltin (Kat 1)
  4. €5,000 għat-Traduzzjoni ta’ Silta minn Ktieb bħala Pitch (Kat 2)
  5. €25,000 għat-Traduzzjoni lejn il-Malti
  6. €9,000 għal E-books u Audiobooks ta’ Kotba Stampati

• Bord t’aġġudikazzjoni independenti (€25 għal kull applikazzjoni + VAT għal kull aġġudikatur, 4 b’kollox)

Kuntatt: Matthew Borg – matthew.borg@ktieb.org.mt 

London Book Fair

• Data: 10 sat-12 ta’ Marzu 2026

Ħarsa ħafifa:

• Promozzjoni tal-letteratura Maltija u l-Fond Malti tal-Ktieb permezz tal-Foreign Rights Catalogue.
• Parteċipazzjoni f’laqgħat ma’ pubblikaturi, aġenti letterarji u istituti kulturali barranin.
• Seminar biex jippromwovi internazzjonalment il-letteratura Maltija u l-pubblikazzjonijiet lokali.

Kuntatt:
Mark Camilleri – mark.camilleri.5@gov.mt – 27112104
Ivania Attard – ivania.attard@gov.mt – 27131574

Il-Konkors tal-Letteratura għaż-Żgħażagħ 

Ċerimonja għall-edizzjoni 2025: 13 ta’ Jannar 2026 

Sejħa għas-sottomissjonijiet 2026*: Il-Konkors jiftaħ mill-ġdid fl-2027

Ħarsa ħafifa:

• Bord t’aġġudikazzjoni independenti (€400 + VAT għal kull aġġudikatur, 3 b’kollox)

Kuntatt: Matthew Borg – matthew.borg@ktieb.org.mt 

Konkors Nazzjonali tal-Poeżija Doreen Micallef 

• Sejħa għal sottomissjonijiet: 12 ta’ Mejju sal-14 ta’ Lulju 2026
• Ċerimonja: 8 Novembru 2026 (waqt il-Festival Nazzjonali tal-Ktieb)

Ħarsa ħafifa:

• Premji:
  1. €1,000 għall-ewwel post
  2. €500 għat-tieni post
  3. €200 għat-tielet post
• Poeżiji evalwati b’mod anonimu
• Bord t’aġġudikazzjoni independenti (€300 + VAT għal kull aġġudikatur, 3 b’kollox)

Kuntatt: Andrew Ricca – andrew.ricca@ktieb.org.mt 

Sussidju fuq il-Karta għall-Istampar tal-Kotba

• Data: Mill-1 ta’ April 2026 ’il quddiem 

Ħarsa ħafifa:

• Baġit Annwali: €50,000
• Applikabbli għal pubblikaturi ta’ kotba stampati mill-1 ta’ Jannar 2026 sal-15 ta’ Diċembru 2026.
• Applikazzjonijiet jiddaħħlu permezz ta’ Submittable.

Kuntatt: Matthew Borg – matthew.borg@ktieb.org.mt 

Konferenza Annwali dwar il-Ktieb

• Data: 8 ta’ Mejju 2026 (09:00-17:00)
• Post: Oracle Conference Centre – DoubleTree by Hilton, Qawra
• Applikazzjonijiet: 17 ta’ Frar sat-2 ta’ April 2026

Ħarsa ħafifa:

• Applikabbli għal imsieħba kollha tal-industrija. 
• Reġistrazzjonijiet jiddaħħlu permezz ta’ Submittable bi ħlas ta’ €30 li jkun ikopri parteċipazzjoni, ikel u parkeġġ.
• Programm imħabbar mal-ftuħ tal-applikazzjonijiet (17 ta’ Frar) 

Kuntatt:
Celine Portelli – celine.portelli.2@gov.mt 
Sandra Hili Vassallo – sandra.hili-vassallo.1@gov.mt 

Jeddijiet tas-Self Pubbliku

• Applikazzjonijiet: Is-sena kollha (via Submittable)

Ħarsa ħafifa:

• Baġit Annwali: €80,000
• Ħlas massimu fis-sena: €5,000 kull awtur
• Ħlas lil awturi, ko-awturi, illustraturi, fotografi u edituri bbażata fuq statistika ta’ self minn libreriji pubbliċi, ċentrali u reġjonali. 

Kuntatt: Michael Mercieca – michael.mercieca@gov.mt 

ISBN u ISMN

• Applikazzjonijiet: Is-sena kollha (minn ktieb.org.mt) 

Ħarsa ħafifa:

• Allokazzjoni ta’ ISBNs u ISMNs għall-pubblikazzjonijiet Maltin

Kuntatt: Michael Mercieca – michael.mercieca@gov.mt