Home / News / Toħroġ il-formola tal-esebituri għall-Festival Nazzjonali tal-Ktieb 2023 Back to News Toħroġ il-formola tal-esebituri għall-Festival Nazzjonali tal-Ktieb 2023 Festivals • Other 11th May, 2023 Il-Kunsill Nazzjonali tal-Ktieb (KNK) qed jiftaħ l-applikazzjonijiet għall-esebituri li jridu jieħdu sehem fil-Festival Nazzjonali tal-Ktieb 2023, li se jittella’ bejn nhar l-Erbgħa 18 u l-Ħadd 22 ta’ Ottubru fiċ-Ċentru għall-Fieri u l-Konvenzjonijiet f’Ta’ Qali (MFCC). L-użu tal-MFCC, li huwa l-akbar post f’Malta fejn isiru l-konferenzi u l-esebizzjonijiet, ifisser titijib f’dak li għandu x’jaqsam mal-ħtiġijiet loġistiċi tal-imsieħba u l-viżitaturi tagħna, fosthom l-aċċessibiltà u l-parkeġġ. Il-Festival Nazzjonali tal-Ktieb huwa l-aktar ċelebrazzjoni prestiġġjuża tal-kotba f’Malta. Organizzat f’dan iż-żmien partikulari tas-sena, il-Festival jattira ħafna nies u numru ta’ esebituri li kulma jmur jikber. Minbarra s-servizzi lill-esebituri u lill-pubbliku, dan l-avveniment joffri lok tajjeb għall-professjonisti fl-industrija tal-kotba biex jiltaqgħu u jitkellmu. L-applikazzjoni, bir-regolamenti, il-proviżjonijiet u l-prezzijiet aġġornati, hija miftuħa għall-pubblikaturi lokali u internazzjonali kollha, distributuri tal-kotba, ħwienet tal-kotba, aġenziji tal-kotba u kittieba awtoppubblikati. Għaqdiet mhux governattivi (NGOs) u entitajiet pubbliċi li l-kamp tal-attività tagħhom jinvolvi l-pubblikazzjoni ta’ materjal letterarju jew il-promozzjoni tal-letteratura huma wkoll eliġibbli biex japplikaw. L-istands kollha se jkunu ssussidjati b’75% mill-KNK. Sabiex issir aktar promozzjoni tal-Festival, il-KNK qed jerġa’ joffri l-iskema ta’ rifużjoni lill-esebituri. Il-promozzjoni għandha ssir b’mod li tilħaq kemm jista’ jkun firxa wiesgħa tal-pubbliku u ssir bi spirtu li l-esebituri jgħinu lil esebituri oħra biex jilħqu kemm jista’ jkun nies. Qed nirreferu għall-promozzjoni tal-Festival innifsu, l-avvenimenti u l-kotba tal-esebituri, u/jew il-parteċipazzjoni nnifisha tal-esebitur bis-saħħa ta’ reklami jew avviżi fl-istampa lokali jew tagħrif promozzjonali ibbuwstjat fuq il-mezzi soċjali. Dawk kollha interessati jieħdu sehem huma mħeġġa biex japplikaw kmieni u jippreżentaw, flimkien mal-applikazzjoni tagħhom, lista dettaljata (jekk hemm) ta’ attivitajiet li jixtiequ jinkludu fil-programm kulturali tal-Festival. Ġentilment ninfurmaw li dawk l-applikazzjonijiet li jiddaħħlu kmieni jistgħu jingħataw preferenza fil-programm tal-attivitajiet. L-applikanti mistennija jaqraw bir-reqqa t-termini u l-kundizzjonijiet kollha qabel japplikaw. Preferibbilment, l-applikazzjoni timtela online mis-sit tal-KNK, inkella tintbagħat bil-posta sat-Tnejn, 12 ta’ Ġunju 2023, waqt li l-ħlas jenħtieġ li jsir sat-30 ta’ Ġunju. Dawk l-esebituri li jippreferu jibagħtu l-formola bil-posta, mitluba jibagħtuha f’dan l-indirizz: Il-Festival Nazzjonali tal-Ktieb 2023 Il-Kunsill Nazzjonali tal-Ktieb Kumpless Bice Mizzi Vassallo Triq Arnhem Pembroke PBK1776 Żur is-sit jew il-paġna Facebook tal-KNK għal aktar aġġornamenti dwar il-Festival Nazzjonali tal-Ktieb 2023. Jekk għandek xi mistoqsijiet dwar eliġibbiltà biex tipparteċipa bħala esebitur jekk jogħġbok kellem lil Matthew Borg jew lil Andrew Ricca. SHARE POST Related Articles Sejħa Miftuħa għal Proposti ta’ Installazzjoni: Ix-Xogħol Artistiku Ċentrali tal-Esebizzjoni From Illustration to Book waqt il-Festival Nazzjonali tal-Ktieb 2025 Other 26th May, 2025 Read More Drittijietek! Sessjoni b’xejn fuq Zoom mill-Aġent Letterarju Simon Trewin lill-imsieħba tagħna News 26th May, 2025 Read More SEJĦA GĦALL-APPLIKAZZJONIJIET: POŻIZZJONI TA’ DIRETTUR (EŻEKUTTIV) MAL-KUNSILL NAZZJONALI TAL-KTIEB Other 16th May, 2025 Read More Fil-Festival Nazzjonali tal-Ktieb 2025 se Niktbu mill-Ġdid! News 14th May, 2025 Read More Jiftaħ il-Konkors Nazzjonali tal-Poeżija Doreen Micallef 2025 News 12th May, 2025 Read More Sejħa Miftuħa għas-sottomissjonijiet ta’ illustrazzjonijiet għall-esebizzjoni From Illustration to Book fil-Festival Nazzjonali tal-Ktieb 2025 Festivals 29th April, 2025 Read More Irridu nisimgħuk: Il-Kunsill Nazzjonali tal-Ktieb Jippubblika l-Istrateġija 2025-2030 għall-Konsultazzjoni News 28th April, 2025 Read More Esebituri — applikaw issa sabiex tipparteċipaw fil-Festival Nazzjonali tal-Ktieb tal-2025! Festivals 15th April, 2025 Read More Ħareġ il-41 Pagament Tal-Jeddijiet Tas-Self Pubbliku Jeddijiet Tas-Self Pubbliku 9th April, 2025 Read More Nippubblikaw il-lista t-twila tal-Premju Nazzjonali tal-Ktieb u l-Premju Terramaxka 2025 Premju Nazzjonali tal-Ktieb 2nd April, 2025 Read More view all similar news
Sejħa Miftuħa għal Proposti ta’ Installazzjoni: Ix-Xogħol Artistiku Ċentrali tal-Esebizzjoni From Illustration to Book waqt il-Festival Nazzjonali tal-Ktieb 2025 Other 26th May, 2025 Read More
Drittijietek! Sessjoni b’xejn fuq Zoom mill-Aġent Letterarju Simon Trewin lill-imsieħba tagħna News 26th May, 2025 Read More
SEJĦA GĦALL-APPLIKAZZJONIJIET: POŻIZZJONI TA’ DIRETTUR (EŻEKUTTIV) MAL-KUNSILL NAZZJONALI TAL-KTIEB Other 16th May, 2025 Read More
Sejħa Miftuħa għas-sottomissjonijiet ta’ illustrazzjonijiet għall-esebizzjoni From Illustration to Book fil-Festival Nazzjonali tal-Ktieb 2025 Festivals 29th April, 2025 Read More
Irridu nisimgħuk: Il-Kunsill Nazzjonali tal-Ktieb Jippubblika l-Istrateġija 2025-2030 għall-Konsultazzjoni News 28th April, 2025 Read More
Esebituri — applikaw issa sabiex tipparteċipaw fil-Festival Nazzjonali tal-Ktieb tal-2025! Festivals 15th April, 2025 Read More
Ħareġ il-41 Pagament Tal-Jeddijiet Tas-Self Pubbliku Jeddijiet Tas-Self Pubbliku 9th April, 2025 Read More
Nippubblikaw il-lista t-twila tal-Premju Nazzjonali tal-Ktieb u l-Premju Terramaxka 2025 Premju Nazzjonali tal-Ktieb 2nd April, 2025 Read More