back to news

Ċelebrazzjoni ta’ Eċċellenza Letterarja: Imħabbra l-Finalisti tal-Premju Nazzjonali tal-Ktieb u l-Premju Terramaxka 2023

Other • Premju Nazzjonali tal-Ktieb

13th June, 2023

Image of Ċelebrazzjoni ta’ Eċċellenza Letterarja: Imħabbra l-Finalisti tal-Premju Nazzjonali tal-Ktieb u l-Premju Terramaxka 2023

Il-Kunsill Nazzjonali tal-Ktieb qed iħabbar il-lista tal-finalisti tal-Premju Nazzjonali tal-Ktieb u l-Premju Terramaxka 2023, għal kotba ppubblikati fl-2022. Din hija s-46 edizzjoni ta’ dan il-Premju, l-ogħla premju letterarju mogħti lil awturi, edituri, tradutturi, pubblikaturi u illustraturi ta’ kotba ppubblikati f’Malta.

It-62 ktieb li kisbu post fil-lista finali tal-Premju Nazzjonali tal-Ktieb 2023 intgħażlu b’mod unanimu minn panel ta’ aġġudikaturi indipendenti skont damma ta’ kriterji stabbiliti. Minn dawn, 36 huma mifruxa fost tmien kategoriji tal-Premju Nazzjonali tal-Ktieb, u 26 huma mifruxa fost sitt kategoriji tal-Premju Terramaxka. Dawn il-kotba ġew ippubblikati minn 13-il pubblikatur u nkitbu bejn 54 awtur u tradutturi. Ma’ dawn hemm għaxar illustraturi li kkontribwixxew bl-illustrazzjonijiet tagħhom.

Il-kategoriji tal-Premju Nazzjonali tal-Ktieb għall-adulti huma r-Rumanzi, in-Novelli, il-Poeżiji, id-Drama, il-Letteratura mhux Fittizja, it-Traduzzjoni, ir-Riċerka Ġenerali, u r-Riċerka Bijografika u Storjografika. Dawk tal-Premju Terramaxka huma x-Xogħlijiet Oriġinali għal tfal bejn 0-7 u 8-12-il sena, u l-Letteratura għaż-Żgħażagħ; u Xogħol Maqlub għall-Malti għal tfal bejn 0-7 u 8-12-il sena, u Letteratura għaż-Żgħażagħ tradotta.

L-aġġudikaturi ta’ din is-sena faħħru l-livell għoli tal-pubblikazzjonijiet mifruxa fost il-kategoriji kollha. Il-lista, li daqskemm hi twila hi wiesgħa, tinkludi kemm kotba minn awturi li daħlu f’din il-lista għall-ewwel darba kif ukoll 15-il awtur u erba’ tradutturi li rebħu dan il-Premju f’edizzjonijiet passati b’xogħlijiet ġodda bħal Loranne Vella, Paul P. Borg, Alfred Sant, Gioele Galea u Clare Azzopardi.

Il-proċess tal-aġġudikazzjoni beda fil-bidu ta’ Marzu permezz tal-pubblikazzjoni tal-lista t-twila. Sas-7 ta’ Marzu, il-pubblikaturi u l-awturi ressqu total ta’ 161 ktieb li tqiesu bħala eliġibbli għall-edizzjoni tal-Premju Nazzjonali tal-Ktieb ta’ dis-sena. Ir-rebbieħa ta’ kull kategorija se jitħabbru fiċ-ċerimonja tal-għoti tal-premjijiet fl-24 ta’ Novembru.

Il-kotba li daħlu fil-lista finali ta’ dan il-premju jistgħu jinkisbu mill-ħwienet tal-kotba u s-siti online, kif ukoll fil-Festival Nazzjonali tal-Ktieb 2023 li se jittella’ bejn it-18 u t-23 ta’ Ottubru fiċ-Ċentru għall-Fieri u l-Konvenzjonijiet (MFCC) f’Ta’ Qali.

Għal aktar informazzjoni rigward il-Premju Nazzjonali tal-Ktieb 2023 u inizjattivi oħra tal-Kunsil Nazzjonali tal-Ktieb, segwina fuq Facebook jew żur ktieb.org.mt.

Il-Finalisti tal-Premju Nazzjonali tal-Ktieb 2023

Rumanzi

Titlu tal-ktieb / Book title	Awtur / Author	Pubblikatur / Publisher
Belgħa Te	Paul P. Borg	Horizons
Ir-Rumanz tal-Fieres Safran	Alfred Sant	Quinque
Marta Marta	Loranne Vella	Ede Books
Sajf	Ryan Falzon	Kotba Calleja
Sekonda bejn Tnejn	Helen Borg	Horizons

Novelli

Titlu tal-ktieb / Book title	Awtur / Author	Pubblikatur / Publisher
Amsterdam u Rakkonti Oħra	Joe Pulè	BDL Publishing
Id-Dubbiena u Stejjer Oħra	Carmel Scicluna	Horizons
L-Eku tal-Ħabbata	Joe Camilleri	Horizons
Tbajja' tax-Xemx u Stejjer Oħra għad-Dell	Rita Saliba	Klabb Kotba Maltin

Poeżija

Titlu tal-ktieb / Book title	Awtur / Author	Pubblikatur / Publisher
Bejn il-Binarji	John P. Portelli	Horizons
ilma	Gioele Galea	Horizons
Imbagħad il-Qiegħ	Murad Shubert	Klabb Kotba Maltin
Kollox Jeħel Magħna	Francesco Grech	Merlin Publishers
Max-Xatt tat-Tamarisk	Claudia Gauci	Kotba Calleja
Meta Tlaqt lil Adam	Elena Cardona	Klabb Kotba Maltin
Tao	Caldon Mercieca	Kotba Calleja

Drama

Titlu tal-ktieb / Book title	Awtur / Author	Pubblikatur / Publisher
Erba' Drammi għat-Teatru, Vol. 2	Albert Marshall	Horizons
Fil-Ħajja li Jmiss u Drammi Oħra tat-Triq	Lon Kirkop	Merlin Publishers
Tebut Isfar	Clare Azzopardi	Merlin Publishers

Letteratura mhux Fittizja

Titlu tal-ktieb / Book title	Awtur / Author	Pubblikatur / Publisher
My Life and Times: Memories and Experiences of a Maltese Civil Servant	Alfred Fiorini Lowell	Kite Group

Traduzzjoni

Titlu tal-ktieb / Book title	Traduttur / Translator	Pubblikatur / Publisher
L-Analetti (ta’ Konfuċju)	Salvatore Giuffrè (trad.)	SKS
Mur ġibek... eżerċizzji ta' tortura u seduzzjoni (ta’ Irene Chias)	Mark Vella (trad.)	Horizons
Storja Medika ta' Malta (ta’ Paul Cassar)	Godwin Ellul (trad.)	Faraxa Publishing
Waqt (ta’ Wislawa Szymborska)	Antoine Cassar (trad.)	Faraxa Publishing

Riċerka Ġenerali

Titlu tal-ktieb / Book title	Awtur / Author	Pubblikatur / Publisher
Architecture • Visions on Paper • Malta	Conrad Thake	Kite Group
Celebrating Music, a selection of good causes	Heritage Malta	Heritage Malta
In the Footsteps of Antonello da Messina: The Antonelliani between Sicily and Venice	Charlene Vella	Midsea Books
The Art of Dying Well: Visual Cultures in Times of Piety and Plague Malta 1675-1814	Christian Attard	Kite Group
The Role and Symbolism of Flowers in Maltese Art	Glorian Micallef-Grimaud	Faraxa Publishing

Riċerka Bijografika u Storjografika

Titlu tal-ktieb / Book title	Awtur / Author	Pubblikatur / Publisher
Eddie: Is-Sewwa Jirbaħ Żgur	Dione Borg	BDL Publishing
Gustave R. Vincenti: An Architectural Legacy	David Ellul	Kite Group
Malta War Occurrences : The Police Logbooks 1940-1942	Jeffrey Sammut	BDL Publishing
Society Fashion in Malta: The Portrait Photography of Leandro Preziosi 1830-1869	Caroline Tonna	Fondazzjoni Patrimonju Malti
The Front Page on the Frontline: The Maltese Newspapers and the Second War	Martin G. Debattista	Midsea Books
Decolonising the Maltese Mind: In Search of Identity	Charles Xuereb	Midsea Books
Slavery, Treason and Blood: The 1749 Plot of the Slaves in Malta	William Zammit	Heritage Malta

Il-Finalisti tal-Premju Terramaxka 2023

Xogħlijiet Oriġinali għal Tfal ta’ bejn 0–7 snin

Titlu tal-ktieb / Book title	Awtur / Author	Pubblikatur / Publisher
Ana u Zak Isalvaw il-Pjaneta	Audrey Friggieri; Vincianne Scerri (ill.)	Merlin Publishers
Bejn Rima u Tbissima: Niskopru l-Annimali	Rebekah Grima; Kite Group (ill.)	Kite Group
Flavia: in-nagħġa li kienet tibża'	Maria Farrugia; Louiselle Sciberras (ill.)	BDL Publishing
Ħabiba Ġdida	Rachelle Cortis; Naomi Gatt (ill.)	Faraxa Publishing
Id-Dar tal-Ħolm	Moira Scicluna Zahra	Merlin Publishers
Il-Bużu u ż-Żarbuna Maġika	Kelly Busuttil u Rita Saliba; Rebecca Zammit (ill.)	Klabb Kotba Maltin
Jien u Beppe, Beppe u Jien	Clare Azzopardi, Beppe Caruana; Kyle Xuereb Cunningham (ill.)	Merlin Publishers
Luċjan u Enzo: is-sriedak li kienu jgħiru għal xulxin	Maria Farrugia; Louiselle Sciberras (ill.)	BDL Publishing
Oreste: iż-żiemel li kien imkabbar	Maria Farrugia; Louiselle Sciberras (ill.)	BDL Publishing
Stewart: il-ħanżir li kien buli	Maria Farrugia; Louiselle Sciberras (ill.)	BDL Publishing
My Pet Cloud	Eric Sameed Turner; Charis B. Chusna (ill.)	Faraxa Publishing

Xogħlijiet Oriġinali għal Tfal ta’ bejn 8-12-il sena

Titlu tal-ktieb / Book title	Awtur / Author	Pubblikatur / Publisher
Ejja Nsajru Poeżija: Versi, Logħob bil-Kliem u Aktar...	Trevor Żahra	Merlin Publishers
Il-Bebbuxu Trumbetta	Claudia Aloisio; Matt Stroud (ill.)	Klabb Kotba Maltin
Warda Żżur lil Nannitha	Louise Chircop, Naomi Gatt (ill.)	Faraxa Publishing
Il-Kreatura taħt is-Sodda	Simon Bartolo, José Luís Ocaña (ill.)	Merlin Publishers
Irvin Vella, Investigatur Virtwali: Il-Każ tal-Ħabsi Bla Ħtija	John A. Bonello, Francesca Grech (ill.)	Merlin Publishers
Tita Tmiss l-Art	Clare Azzopardi, Glen Calleja; Naomi Gatt (ill.)	Kotba Calleja

Letteratura għaż-Żgħażagħ

Titlu tal-ktieb / Book title	Awtur / Author	Pubblikatur / Publisher
Ġganti	David Aloisio	Horizons

Xogħlijiet Maqluba għall-Malti għal Tfal ta’ bejn 0–7 snin

Titlu tal-ktieb / Book title	Traduttur / Translator	Pubblikatur / Publisher
Kieku Armadillo Jmur f’Ristorant (Ellen Fischer; Laura Wood ill.)	Janet Mallia	BDL Publishing
Kieku Ljunfant Imur l-Iskola (Ellen Fischer; Laura Wood ill.)	Janet Mallia	BDL Publishing
Nitgħallem il-Ħin ma' Lupu Lupettu (Orianne Lallemand; Éléonore Thuillier ill.)	Clare Azzopardi	Merlin Publishers

Xogħlijiet Maqluba għall-Malti għal Tfal ta’ bejn 8-12-il sena

Titlu tal-ktieb / Book title	Traduttur / Translator	Pubblikatur / Publisher
Il-Ġurnalista: L-Istorja ta' Daphne Caruana Galizia (Gattaldo)	Immanuel Mifsud	Klabb Kotba Maltin
Il-Ħbieb tal-Annimali: Taqsima Investigattiva: Il-Mohor Midrub (Juliette Parachini-Deny u Oliver Dupin; Ariane Delrieu ill.)	Mark Vella	Merlin Publishers
Il-Ħbieb tal-Annimali: Taqsima Investigattiva: Il-Panda Ċkejkna Meħlus (Juliette Parachini-Deny u Oliver Dupin; Ariane Delrieu ill.)	Mark Vella	Merlin Publishers
Każ Miftuħ: Segwi l-Indizji! (Àngels Navarro; Jordi Sunyer ill.)	Noel Tanti	Merlin Publishers