Joħorġu r-riżultati tal-Fond Malti tal-Ktieb 2020

Il-Kunsill Nazzjonali tal-Ktieb qed iħabbar li l-Bord tal-Aġġudikazzjoni tal-Fond Malti tal-Ktieb 2020 iddeċieda u qabel dwar is-sottomissjonijiet rebbieħa għal din l-edizzjoni mġedda tal-Fond.

Il-proġetti rebbieħa ntgħażlu skont damma ta’ kriterji mfassla minn qabel, fosthom il-valur kulturali tal-pubblikazzjoni proposta u l-ħtieġa tal-finanzjament minħabba n-natura speċjalizzata u mhux kummerċjali tal-proġett. Fi kliem ieħor, l-għan tal-Fond hu li jappoġġja proġetti sinjifikattivi kulturalment li jeħtieġu finanzjament sabiex jitwettqu.

Anki minħabba l-ammont ta’ sottomissjonijiet ta’ valur f’din l-edizzjoni tal-Fond Malti tal-Ktieb, l-aġġudikaturi ħadu ħsieb li jikkunsidraw ukoll il-valur ta’ kull proġett u, wara analiżi tar-rendikont finanzjarju mehmuż mal-applikazzjoni, allokaw il-fondi tali mod li jkunu biżżejjed biex il-pubblikazzjoni sseħħ jew b’mod sħiħ jew b’mod parzjali.

Id-data tal-għeluq għas-sottomissjoni tal-proġett kienet it-30 ta’ Ġunju, u t-tliet aġġudikaturi ħadmu għal rashom fuq l-istess sett ta’ proposti sakemm fl-20 ta’ Ġunju qasmu ma’ xulxin l-ewwel reazzjonijiet evalwattivi. Fit-3 t’Awwissu t-tliet folji evalwattivi u indipendenti ngħaqdu f’waħda u fis-6 ta’ Ġunju r-rapport finali u l-lista aħħarija tal-benefiċjarji ntbagħtet lill-Kunsill Nazzjonali tal-Ktieb.

Il-Bord tal-Aġġudikazzjoni tal-Fond Malti tal-Ktieb 2020 kien magħmul minn tliet aġġudikaturi – Is-Sinjura Maria Giuliana Fenech, Prof. Joseph Eynaud, u s-Sinjur Andrei Vella Laurenti.

Tajjeb li wieħed jinnota li, minħabba li kull għotja kellha massimu ta’ fondi allokati għaliha u anki għaliex xi proposti marru aħjar minn oħrajn billi ssodisfaw ir-regolamenti, ġie deċiż li xi proġetti jingħataw fondi parzjali, ie. ngħataw inqas fondi minn kemm talbu oriġinarjament. Peress li dal-proġetti xorta tqiesu li għandhom valur kulturali mdaqqas, il-bord tal-aġġudikaturi tahom parti minn dak li talbu bil-ħsieb li dan jgħinhom jiġu ppubblikati xorta waħda.

Importanti jiġi nnutat ukoll li jekk wieħed ma rnexxilux jikkwalifika did-darba ma jfissirx li ma jistax japplika mill-ġdid bl-istess proġett jew proġett differenti meta terġa’ toħroġ sejħa għall-applikazzjonijiet.

Wara l-proċess tal-għażla u l-pubblikazzjoni tar-riżultati, il-KNK se jikkuntattja lill-applikanti rebbieħa biex jiffirmaw il-kuntratt tal-benefiċjarju, jingħadda lilhom il-fond, u jsir il-ftehim fuq iż-żmien għat-twettiq tal-proġett.

Dawn li ġejjin huma l-proġetti rebbieħa skont il-kategorija tal-Fond, bl-isem tal-benefiċjarju u l-ammont mogħti.

Għotjiet għall-Pubblikazzjoni

Għotjiet għat-Traduzzjoni

Kategorija 1 – Traduzzjoni ta’ Kotba Maltin

Kategorija 2 – Traduzzjoni għall-Malti

[add_posts category=fund-en show=100]