Manwal għall-Utenti tal-ISBN bil-Malti

Il-Kunsill Nazzjonali tal-Ktieb jixtieq jinforma li għadu kemm ippubblika f’forma elettronika traduzzjoni bil-Malti tas-sitt edizzjoni tal-ISBN Users’ Manual bit-titlu ‘Manwal għall-Utenti tal-ISBN’.  Dan il-manwal huwa għodda mportanti ta’ kif jiġi msawwar l-ISBN ta’ kull pubblikazzjoni, sew f’forma stampata, kif ukoll f’forom oħra bħal dik elettronika.  Hemm ukoll informazzjoni importanti oħra dwar l-isfond storiku; il-benefiċċji u l-funzjoni tal-ISBN, l-istruttura, l-allokazzjoni u fejn jiġi stampat u informazzjoni oħra dwar identifikazzjonijiet oħrajn u ma jonqosx referenza għall-mistoqsijiet frekwenti li jinqalgħu.

Nixtiequ ninfurmaw illi din il-pubblikazzjoni elettronika issa tinsab uffiċjalment kemm fuq is-sit tal-Aġenzija Internazzjonali tal-ISBN : https://www.isbn-nternational.org/contents/isbn-users-manual. Biex tniżżel kopja tista’ tagħfas fuq din il-ħolqa: Manwal ghall-Utenti tal-ISBN (Malti)

B’din il-pubblikazzjoni Malta ingħaqdet ma’ pajjiżi oħra fid-dinja assoċjati mal-Aġenżija Internazzjonali tal-ISBN li ttraduċew dan il-manwal ferm importanti.